NUR-SULTON – Qozogʻiston va AQSH fuqarolik aviatsiyasi sohasida ochiq osmon toʻgʻrisidagi shartnomani imzolashni rejalashtirmoqda. Bu haqda dushanba (24-iyun) kuni parlamentda Qozogʻiston sanoat vaziri oʻrinbosari Berik Kamaliyev maʼlum qildi, deb xabar beradi Inbusiness.kz nashri.
“Shartnomani imzolash jarayoni shu yil oxirigacha boshlanishi koʻzda tutilgan. Hujjat 2021-yildan uzluksiz parvozlarga ruxsat beradi”, deb qayd etdi u.
Oʻtgan yili Qozogʻistonga kiruvchi va undan chiquvchi reyslardagi aviayoʻlovchilar soni 7,9 mln. kishiga yetgan, 2017-yili bu raqam 7,4 mln. kishini tashkil etgan edi.
Dunyo hamjamiyati bilan transport aloqalarini kengaytirish ekstremizmga toʻsqinlik qiluvchi iqtisodiy taraqqiyot va yangi gʻoyalarni yuzaga keltiradigan omillardan biri sanaladi.
