KAJI-SAI, Qirg‘iziston – Chuy viloyati, Kaji-Sai qishlog‘i militsiyasi baptistlar cherkoviga qasddan o‘t qo‘yilgani bilan bog‘liq holatni tergov qilmoqda, deb xabar berdi Ozod Yevropa/Ozodlik radiosi (RFE/RL) 4-yanvar, payshanba kuni.
Cherkovdagi yong‘in 3-yanvar, chorshanba kuni yuz berdi, qurbonlar yo‘q, dedi Ton tumani militsiyasi vakili Stalbek Usubakunov Ozod Yevropa/Ozodlik radiosiga.
Jinoyatchi yoki jinoyatchilar Molotov kokteylini cherkov derazasiga uloqtirishgan, dedi mamlakatning Yevangelik xristian cherkovlari uyushmasi raisi Aleksandr Shumilin Ozod Yevropa/Ozodlik radiosiga.
Kaji Sai hokimi Pamir Kutuyev Sovet davridan buyon cherkovda hech qanday hodisa ro‘y bermaganini ta’kidlar ekan, mazkur jinoyat nafrat asosida sodir etilgan deb hisoblamasligini uqtirgan.