NORIN VILOYATI -- Qirgʻiziston milliy xavfsizlik davlat qoʻmitasi (GKNB) payshanba (20-iyun) kuni taqiqlangan Hizb ut-Tahrir (HT) guruhiga aloqadorlikda gumon qilingan 6 kishini qoʻlga oldi, deb xabar bermoqda 24.kg nashri.
GKNB va ichki ishlar xodimlari Norin viloyatining Otboshi tumanida gumondorlarning uylarida tintuv oʻtkazgan.
Huquqni muhofaza qilish xodimlari HT adabiyotlari, qurol va oʻq-dorilar, kompyuter, telefon va sim-kartalarni musodara qilganlar.
GKNB xabariga koʻra, gumondorlar jinoyat kodeksining “ekstremistik tashkilot tuzish” moddasi boʻyicha javobgarlikka tortiladi.