![Қуролларини қайта ўқлаш учун фронтдан қайтаётган украин аскарлари, Украина шарқи, Бахмут, 9 ноябр. [Булент Килич/AFP]](/cnmi_ca/images/2022/11/10/38634-000_32n84wp-739_416.webp)
ВАШИНГТОН – Украинада 100 мингдан ортиқ россиялик ҳарбий ҳалок бўлган ёки жароҳатланган, Киев қуролли кучлари ҳам худди шундай қурбонлар берган бўлиши мумкин, деб айтган юқори даражали АҚШ генерали Марк Милли чоршанба куни.
«100 мингдан ортиқ россиялик аскар ўлдирилгани ёки жароҳатланганини кўриб турибсиз», деб айтган Милли Нью-Йорк иқтисодий клубидаги чиқишида. «Украина тарафидаги талафотлар ҳам шундай бўлиши мумкин.»
Милли келтирган рақамлар урушнинг саккиз ойи давомида Қўшма Штатлар ҳукумати тақдим этган энг аниқ маълумотлар бўлиб, уларни мустақил равишда тасдиқлаш имкони бўлмаган.
Шунингдек, Милли урушни тўхтатиш бўйича музокара бошлаш имконияти борлиги, бу урушда на Россия ва на Украина ғолиб бўла олмаслигини айтган.
«Ҳарбий маънодаги ғалабага уруш йўли билан эришиб бўлмаслигини ўзаро тан олиш ва шу сабабли бошқа воситалар излаш керак», деб айтган Милли.
«Ҳозир музокара бошлаш учун имкониятлар ойнаси очиқ.»
Миллининг баёноти Россия Украина жанубидаги Херсон шаҳридан ўз қўшинларини олиб чиқишга буйруқ берганидан сўнг янграган. Бу Москванинг ҳарбий кампаниясига катта зарба бўлди.
Аммо Киев расмийлари бу баёнотга эҳтиёткорлик билан муносабат билдириб, Россия армияси стратегик шаҳарни жангсиз тарк этиши даргумонлигини айтганлар, АҚШ президенти Жо Байден эса чекиниш Москванинг жанг майдонида «реал муаммолари» борлигидан далолат беради, деб ҳисобламоқда.
