Jamiyat

Suratlarda: Qozogʻiston va Qirgʻizistonda karantin cheklovlari bekor qilinmoqda

Aydar Ashimov va Maqsadbek Osmonaliyev

image

Niqobdagi Qozogʻiston milliy gvardiyasi faxriy qorovuli, Bishkek, 31-may. (Maqsadbek Osmonaliyev)

image

Avtobus yoʻlovchilari, Bishkek, 31-may. 25-may kuni Bishkekda jamoat transporti faoliyati qayta yoʻlga qoʻyildi. Haydovchilarning aytishicha, yoʻlovchilar koʻp emas, avtobuslar oxirgi bekatlarda dezinfeksiya qilinmoqda. (Maqsadbek Osmonaliyev)

image

Avtobus ichidagi antiseptikdan foydalanayotgan ayol, Bishkek, 31-may. Haydovchilar va yoʻlovchilar niqob taqib yurishlari shart. (Maqsadbek Osmonaliyev)

image

Kimsasiz qolgan bolalar karuseli, 1-iyun (Bolalar kuni), Bishkek (Maqsadbek Osmonaliyev)

image

Bishkek markaziy maydonidagi favvora oldida oʻynayotgan bolalar, 1-iyun. (Maqsadbek Osmonaliyev)

image

Bishkekdagi oziq-ovqat rastasi, 1-iyun. Koronavirus sababli yetkazib berishdagi uzilishlar ortidan narxlar qimmatlashgan. Masalan, karantindan avval bir qop oliy nav un 1200-1250 qirgʻiz soʻmi (16 AQSH dollari) boʻlgan. Hozir esa uning narxi 1500-1700 qirgʻiz soʻmiga (20-22 AQSH dollari) teng. (Maqsadbek Osmonaliyev)

image

Qirgʻizistondagi Koʻk-Jar qishlogʻida qulupnay terayotgan mavsumiy ishchilar, 1-iyun. (Maqsadbek Osmonaliyev)

image

Rossiya va Qozogʻistonga eksport qilish uchun moʻljallangan qulupnaylar qadoqlash uchun olib ketilmoqda, Koʻk-Jar qishlogʻi, 1-iyun. (Maqsadbek Osmonaliyev)

image

Ayollar shimini tikayotgan tikuvchi, Bishkek, 1-iyun. Tikuv sexida 10 ta chevar ayol ishlar edi, ammo ular ikki oyga taʼtilga chiqarilgan, deydi korxona egasi. (Maqsadbek Osmonaliyev)

image

Bishkekda koʻcha taomlarini sotadigan doʻkonlar ham oʻz faoliyatini qayta tiklamoqda, 1-iyun. (Maqsadbek Osmonaliyev)

image

Yoʻl boʻyidagi qahvaxona mijozlari, Bishkek, 1-iyun. (Maqsadbek Osmonaliyev)

image

Bishkekdagi K. Bayalinov kutubxonasining mutolaa zali, 1-iyun. Qirgʻizistonda sanatoriy, kurort, muzey va kutubxona kabi madaniy muassasalar 1-iyundan oʻz faoliyatini tikladi. (Maqsadbek Osmonaliyev)

image

Niqobdagi keksa ayol, Bishkek,1-iyun. (Maqsadbek Osmonaliyev)

image

Issiqxonada atirgullarni parvarish qilayotgan ishchilar, Bishkek, 1-iyun. (Maqsadbek Osmonaliyev)

image

Soʻquluq tumani bozorida buzoqlarini sotayotgan qishloq aholisi, 7-iyun, Chuy viloyati, Qirgʻiziston. (Maqsadbek Osmonaliyev)

image

Bishkekning gʻarbiy avtovokzalidagi mikroavtobus, 7-iyun. (Maqsadbek Osmonaliyev)

image

Eshak arava mingan tarazliklar. 29-may kuni Qozogʻistonda jamoat transporti cheklovlari olib tashlandi. (Aydar Ashimov)

image

Taraz koʻchalarida sayr qilib yurgan ayol, 29-may. Qozogʻistonda harakatlanishga oid barcha taqiqlar olib tashlanganiga qaramay, koʻchada odam kam. (Aydar Ashimov)

image

Mobil aloqa markazi yaqinida navbat kutayotgan mijozlar, Taraz, 27-may. U yerga kiruvchilar soni cheklangan. (Aydar Ashimov)

image

Doʻkon rastasi, Taraz, 29-may. Ichkariga faqat niqob taqqanlar kirishi mumkin. (Aydar Ashimov)

image

Xiyobonga kelganlarning tana haroratini oʻlchayotgan ayol, Taraz, 1-iyun. (Aydar Ashimov)

image

Turkistondagi favvoralar oldida sayr qilayotgan qizlar, Qozogʻiston, 7-iyun. (Aydar Ashimov)

image

Turkiston viloyatidagi Aristonbob maqbarasi ziyoratchilari, Qozogʻiston, 7-iyul. (Aydar Ashimov)

image

Turkiston viloyatidagi Aristonbob maqbarasi qudugʻidan suv olayotgan ayol. Qozogʻiston 7-iyun. (Aydar Ashimov)

TARAZ/BISHKEK – Qozogʻistonlik va qirgʻizistonlik fuqarolar hayoti sekin-asta oʻz iziga qaytmoqda. Bu mamlakatlar hukumatlari yangi koronavirus pandemiyasi munosabati bilan bir qator cheklovlar joriy qilgan edilar.

Qozogʻiston hukumati iyun oyi boshida yoʻllardagi blokpostlarni olib tashlashga kirishgan, shaharlararo avtobus va havo transporti qatnovi qayta tiklangan.

Qozogʻistonda karantin vaqtida 400 ga yaqin blokpostga 6000 nafar politsiyachi joylashtirilgan edi, deb xabar beradi Ichki ishlar vazirligi.

Mamlakatda poyezdlar qatnovi bosqichma-bosqich tiklanmoqda. Ayni vaqtda yoʻlovchilarga 90 ta poyezd xizmat koʻrsatmoqda.

image

Favvoralar oldida sayr qilayotgan turkistonliklar, 7-iyun. (Aydar Ashimov)

Qator viloyatlarda bolalar bogʻchalari, diniy muassasalar, davlat xizmatlari markazlari, avtobus va temiryoʻl vokzallari, shuningdek, xiyobonlar va fitnes zallari ochila boshladi.

“Koʻp cheklovlar bekor qilindi. Biz ishlay boshladik”, dedi 27 yashar tarazlik Quralay Akiyeva.

“Yaqinda farzandlarimizni yana bolalar bogʻchalariga olib boramiz. Koronavirus tahdidi ortda qolishini va toʻlaqonli hayotga qaytishni sabrsizlik bilan kutmoqdamiz”, dedi u.

20-iyundan 5-iyulga qadar Qozogʻiston boʻylab tashkil etilgan 161 ta punktda sanitar-epidemiologik talablarga rioya qilgan holda maktab bitiruvchilari uchun yagona umummilliy test sinovlari oʻtkaziladi.

Kinoteatrlar, koʻngilochar markazlar va tungi klublar yopiqligicha qolgan. Ommaviy tadbirlar ham oʻtkazilayotgani yoʻq.

Bu orada Qirgʻizistonda COVID-19 pandemiyasi bilan bogʻliq favqulodda holat ikki oydan ortiqroq davom etdi.

Turli maʼlumotlarga koʻra, 80 mingga yaqin ishchi haq toʻlanmaydigan mehnat taʼtiliga chiqarilgan yoki ishdan boʻshatilgan.

21-maydan boshlab hukumat ayrim iqtisodiy faoliyat turlari, xususan, pasport idoralariga, mebel, soat va poyafzal taʼmirlash ustaxonalarini ochishga ruxsat bergan.

25-may kuni kiyim-kechak bozorlari va restoranlar ishga tushgan, jamoat transporti harakati tiklandi.

Karantin cheklovlari yumshatilganiga qaramay, ikkala mamlakat shifokorlari ham fuqarolarni ehtiyot choralarini koʻrishga, niqob taqib yurishga va ijtimoiy masofalanishga rioya qilishga chaqirmoqdalar.

Sizga maqola yoqdimi?

Fikrlar 0
Siyosat * Majburiy 1500 ta belgi qoldi (1500 max)