Xavfsizlik

Liviyalik isyonchi general Moskvaning yollanma askarlari bilan kelishmovchilik tufayli oʻz pozitsiyalarini boy bermoqda

Karvonsaroy

image

Liviyaning BMT tomonidan tan olingan Milliy kelishuv hukumati askari 9-may kuni Tripolida Rossiyaning “Vagner” guruhi qoʻllovidagi Xalifa Haftar kuchlari tomonidan oʻqqa tutilib vayron boʻlgan mashina yonida turibdi. [Mahmud Turkiya/AFP]

TRIPOLI – Liviyaning birdamlik hukumati mustahkamlanib borar ekan, liviyalik harbiy lider Xalifa Haftar va uning mamlakatni egallash harakatlariga yordam berish uchun yuborilgan Kreml yollanma jangchilari oʻrtasidagi nizo kuchaymoqda.

Kelishmovchilik Xaftarning Rossiya prezidenti Vladimir Putin maqsadlari uchun xizmat qiluvchi xususiy harbiy tashkilot – “Vagner” guruhi oldidagi qarzi sababli kelib chiqqan. Bu haqda Haftarga yaqin harbiy manbalar Arabic Post nashriga maʼlum qildi. Qarz miqdori 150 million dollarga teng.

Haftar oʻtgan yili nihoyasiga yetgan shartnoma pulini toʻlashdan bosh tortgan, bunga sabab mablagʻ yetishmovchiligi emas, balki rossiyaliklarning bitim boʻyicha oʻz majburiyatlarini bajara olmaganidir.

Manbaga koʻra, Vagner guruhining Liviyaga yuborgan Suriya, Belarus va serbiyalik “yangi yollangan jangchilari” tajribasiz va samarasiz boʻlib chiqqan.

image

Liviya milliy kelishuv hukumati (MKH) kuchlarining harbiy vakili, kapitan Muhammad Gʻununiy qismlarga ajratilgan MiG-23 samolyoti yonida. 18-may kuni Kreml qoʻllovidagi polkovnik Xalifa Haftarga sodiq kuchlar Tripolidan janubi-gʻarbda joylashgan Al-Vatiya aviabazasini egalladilar. [Mahmud TURKIYA / AFP]

Avvalroq qator arab ommaviy axborot vositalari “Vagner” guruhining suriyalik yoshlarni yollash boʻyicha keng qamrovli harakatlari haqida xabar bergan edi.

Haftarning safdoshlari Liviyaga yuborilgan “Vagner” yollanma askarlari bilan kelisha olmayapti, deb xabar bergan manba ularning uquvsiz va samarasiz ekanligiga ishora qilib.

Haftarga sodiq harbiy liderlar, shuningdek, Vagner guruhi Milliy kelishuv hukumatining (MKH) dronlaridan himoyalanishga qodir emasligi yuzasidan xavotir bildirgan, deb xabar beradi The Arabic Post.

Haftar oʻz pozitsiyalarini boy bermoqda

Oʻtgan oy MKH Haftar bilan ittifoqchi boʻlgan Liviya milliy armiyasidan (LMA) ikki kun ichida yettita shaharni tortib olgan, deb xabar beradi MKH 13-aprel kuni.

Shu kunning oʻzida polkovnik Muhammad Gʻununiy MKH Havo mudofaasi kuchlari Abu Qurayn tumanida Haftarga tegishli samolyotlarni tutib qolgani hamda Xitoyda ishlab chiqarilgan ikkita samolyot va bitta Mi-35 vertolyotini urib tushirganini aytdi, deb xabar beradi Al-Jaziyra.

Tahlilchilarning fikricha, ushbu operatsion muvaffaqiyatlar MKH strategiyasi mudofaadan hujumga oʻtganini anglatadi.

Dushanba (18-may) kuni MKH Haftarga sodiq kuchlarga qarshi erishilgan yana bir gʻalaba haqida eʼlon qilgan.

“Tripolidan 140 km janubi-gʻarbda joylashgan al-Vatiya bazasi ozod qilinganini faxr bilan eʼlon qilamiz”, deb bayonot berdi MKH bosh vaziri Fayyoz al-Sarraj.

“Bugungi yutuq urush bitganini anglatmasa-da, barcha shaharlar va mintaqalar ozod qilinib, demokratiyaga tahdid soluvchi mustabid harakat tor-mor etiladigan gʻalaba onlariga bizni har qachongidan ham yaqinlashtiradi”, dedi u oʻz bayonotida.

Soʻnggi haftalarda MKH kuchlari Al-Vatiya atrofidagi taʼminot tarmoqlarini nishonga olgan holda Haftar kuchlariga qarshi havo hujumlarini kuchaytirdilar.

MKH kuchlari vakili Muhammad Gʻununiy 17-maydan beri aviabazada Rossiyada ishlab chiqarilgan uchta zenit majmuasi yoʻq qilinganini aytdi.

Xabar qilinishicha, Haftar harbiy havo kuchlari foydalanib kelgan al-Vatiya bazasi MKHning bir haftalik qamalidan soʻng egallangan.

Arabic Post nashrining yozishicha, Haftar harbiylari yoʻqotishlarda qisman “Vagner” guruhining samarasiz yollanma askarlarini ayblamoqda.

Nashrga koʻra, hozirda “Vagner guruhi” snayperlari va jangarilari Tripoli janubidagi Tarxun va Kasir Bengashir tumanlarida boʻlib turibdi, Tobruk va Derna portlariga joylashtirilgan yollanma jangchilar esa logistika, artilleriya va dronlarni qoʻllab-quvvatlash bilan band.

Moskva Liviya mojarosini avj oldirmoqda

“Vagner” guruhining minglab pudratchilari Kremlning bir nechta xorijiy mojarolari, jumladan Suriya, Ukraina, Markaziy Afrika Respublikasi va Liviyadagi nizolarida qatnashayotgani aytiladi.

6-may kuni BMT Xavfsizlik kengashi “Vagner” guruhining 800 dan 1200 gacha jangarisi bir yildan beri MKHga qarshi hujum olib borayotgan Haftarni qoʻllab-quvvatlayotganini maʼlum qilgan edi.

Putin Liviya hududida Rossiya harbiylarini borligini rad etgan.

Rossiyaning Haftarni qoʻllab-quvvatlashi “mojaroning sezilarli darajada avj olishi va Liviyadagi gumanitar vaziyatning ogʻirlashuviga olib keldi”, dedi Rossiyaga oʻz eʼtiborini qaratgan AQSH Davlat departamenti rasmiysi Kris Robinson.

“Koʻpincha Vagnerni Rossiyaning xususiy qoʻriqlash kompaniyasi deb xato oʻylashadi, u aslida Rossiya hukumatining vositasi. Kreml undan oʻz maqsadlariga erishish uchun arzon va xavfsiz vosita sifatida foydalanadi”, dedi u 7-may kuni jurnalistlarga.

Liviyadagi “juda ogʻir va zamonaviy qurollar”ning fotosuratlari “Vagner” guruhining shunchaki xususiy kompaniya emasligini koʻrsatdi, dedi u.

“Vagner” guruhining Haftar kuchlarini qoʻllab-quvvatlashi Liviya suvereniteti va mintaqaviy xavfsizligiga nisbatan hurmatsizlikdir, deb aytgan AQSHning Liviyadagi elchisi Richard Norland 16-may kuni Londonning “Al-Quds al-Arabiy” gazetasiga bergan intervyusida.

AQSH davlat kotibining Magʻrib va Misr boʻyicha yordamchisi oʻrinbosari Genri Vusterning aytishicha, Kreml Moskvaning mintaqadagi taʼsirini kuchaytirish uchun teatr sifatida Suriya safiga qoʻshilgan Liviya boʻyicha oʻz pozitsiyasini oʻzgartirishi ehtimoli kam.

“Rossiya Liviya mojarosiga sarmoya kiritganidan keyin, endi bu yerdan chiqib ketadi, deb oʻylash xato”, dedi u.

Sizga maqola yoqdimi?

Fikrlar 8
Siyosat * Majburiy 1500 / 1500

Ruslarning ogʻzi xatna qilinganlarga toʻldi :))

Javob berish

Rasmdagi maymunlar kim boʻldi? Ruslar ularga toʻgʻri yurishni oʻrgatyaptimi?

Javob berish

Boshqa bir tasqara bor edi. Kreml devorlari ortidagi chodirda yashardi...

Javob berish

Bu shaytonning tulumi; Xudo buni sayyohlar koʻz oʻngiga chiqarib qoʻygan, unga tuflab oʻtishlari uchun!

Javob berish

Putin Rossiyaning Suriyadagi harbiy ishtirokini inkor etayotgan ekanmi??? Maqolada bemaʼni gaplar yozilibdi ))))

Javob berish

Putin Rossiya harbiylarining Liviyada ekanligini rad etmoqda. Oʻqishni bilasizmi oʻzi?

Javob berish

Rossiya – odamxoʻrlar mamlakati!

Javob berish

Oʻziga oʻxshab yomon yashashlari uchun Ivan oʻzini ne koʻylarga solmadi

Javob berish